BE.5 Logu no.83
SAI TAPUJI MA JAHOWA

Ayat 1
Sai tapuji ma Jahowa Debatanta na tutu
Tapatimbul ma Amanta Na bonar huhut burju
Binsan hosangki disi Pujionku Tuhanki

Ayat 2
Ndang haposan ni rohanta Dongan na di tano on
Ai jotjot do mubauba Tahi ni rohaninon
Dung i molo mate i Pesan ma tahina i

Ayat 3
Sai martua manang ise Siasahon Debata
Ai dison pe dohot muse Dipasonang Debata
Ala ni haposi ma holan Tuhan Debata

Ayat 4
Ai Ibana do Sitompa Langit dohot tano on
Ro di isi ni sudena Sasude portibi on
Debata haposan i Ai tongtong rohaNa i.

Ayat 5
Ai Ibana pasintongkon Uhum tu na pogos i
Hangoluan ditumpakkon Tu na haleonon i
Nang na hona hilang pe Dipalua do sude

Ayat 6
Sai Ibana patonggorhon Mata na mapitung i
Pangapulon pe dihorhon Di parroha na tungki
Sai diparhamaol tutu Nasa jolma na burju

Ayat 7
Sai Ibana mangondingi Na mabalu i sude
Sai Ibana mangurupi Na tading di lampin pe
Sogot uhumonna be Na tois roha i sude

Ayat 8
Debatanta do rajanta Salelenglelengna i
Ala ni las ma rohanta Hita na porsea i
Taendehon Debata Rap mandok Haleluya.
